Nakuhaan sang ginabanta 300 grams nga iligal nga druga nga may standard drug price nga P204,000 ang isa ka tricycle driver sa Purok 5, Barangay San Vicente, Leganes, Iloilo.
Ang nadakpan amo si Lester Daza, 31-anyos, kasado kag residente sang Barangay Cari Mayor, Leganes, Iloilo.
Sa interview sang Bombo Radyo kay Police Captain General Enrique Robles, Leganes Municipal Police Station, iya ginpahayag nga ang subject ang Newly Identified Drug Personality kag ginakabig nga Street Level Individual.
Suno kay Robles, nakuha man sa subject ang walo ka sachets sang ginapatihan nga shabu lakip na ang buy-bust item.
Naglawig naman sang duha tubtob tatlo ka semana ang ginpatigayon nga monitoring sang otoridad antes natigayon nga madakpan ang subject.
Nakahunong na sa Leganes Municipal Police Station si Daza kag nagapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
