Nakumpleto sang Philippine forces ang panibag-o nga pagdul-ong sang pagkaon kag iban pa nga mga suplay sa BRP Sierra Madre sa Ayungin Shoal nga wala sang natabo nga anuman nga insidente ukon engkwentro batok sa China.
Suno sa Department of Foreign Affairs (DFA), ini na ang ikalima nga RORE (rotation and reprovisioning) mission nga nahimo sang tropa para sa mga soldado nga nagabantay sa BRP Sierra Madre.
Nagpasalamat ang ahensya sa pagkapropesyunal nga ginpakita sang mga katapo sang Philippine Navy kag Philippine Coast Guard samtang nga ginapatigayon ang misyon.
Antes sini nga misyon, may yara sang agreement nga nalab-ot sa tunga sang China kag Pilipinas nga padayunon sang Philippine government ang kaangay sini nga resupply mission sa Ayungin Shoal.
Sa bilateral consultation sa Xiamen, China sang nagligad nga semana, pareho nga ginpahayag sang duha ka mga nasyon nga may positibo gid man nga resulta kun nagahangpanay sila sa West Philippine Sea, gani nga ginpadayon ang implementasyon sang RORE missions agud nga ma-sustiner ang de-escalation sang tension.
