Dayunon na gid sang Commission on Elections (Comelec) subong nga adlaw ang pag-imprinta sang mga balota para sa May 2025 midterm elections.
Suno kay Comelec Chairman George Garcia, maga-resume sila sa printing sa National Printing Office sa Quezon City 10:00 subong nga aga bisan ano pa ang matabo.
Indi na pwede ang anuman nga delay suno sa opisyal bangud tuman na sila ka late sa oras kag makabig na ini nga self-imposed deadline.
Tatlo ka semana man nga naatrasar ang printing sang official ballots bangud sa temporary restraining orders nga gin-isyu sang Supreme Court batok sa desisyon sang poll body nga i-disqualify ukon i-declare nga nuisance candidates ang pila ka national and local aspirants.
Nagdangat na sa six million ballots na ang ginbasura sa nauna gin-print nga mga balota bangud sa desisyon sang Korte Suprema. Ini katumbas sang kantidad nga P132-million.
Ang ulihi nga rason nga na-delay ang Comelec amo bangud kay Francis Leo Marcos nga isa ka stage name sa matuod nga pangalan nga Norman Mangusin.
Una siya gindeklarar sang Comelec nga nuisance candidate, apang ginlakip siya sang Korte Suprema sa mandu nga dapat ibutang sa balota.
Antes ang reprinting, nag-anunsyo naman ini nga maga-withdraw sa iya pagpadalagan rason nga wala naman nadayon ang Comelec sa ila schedule.
Target subong sang poll body nga maka-print sang 1.5-million nga mga balota sa kada adlaw para makabawi sa tiyempo nga ila nauyang bangud sa sini nga mga isyu.
