Ginkumpirma ni Philippine Ambassador to the United States Jose Manuel Romualdez nga may 24 na ka mga Pinoy sa Estados Unidos nga gin-deport bangud sa ginaalegar nga iligal nga aktibidad samtang ginabanta 80 naman ang nagahulat para sa deportation.
Indi man dalagku nga krimen ang ginka-ulamiran sang 24 suno kay Romualdez.
Ginpahayag sini nga naproseso na sila bisan sang tion pa lang ni former President Joe Biden ukon tion nga wala pa nakabalik sa pwesto si President Donald Trump nga amo ang nagapatuman subong sang istrikto nga mass deportation sa illegal migrants.
Suno pa sa ambassador, prayoridad sang US ang deportation sang ginabanta nga 1.3 immigrants yara na sa lista sang deportation process kag mga immigrants nga may kaangtanan sa criminal activities kag mga gang.
Pahayag sini, may iban man nga employers nga nagabulig sa undocumented Filipino immigrant workers nga maka-secure na sang legal status.
“There’s a small hope to those already here, those already working and paying taxes. They look like they have a good chance to get legal status, especially if their employers sponsor them,” pahayag sang envoy.
Sang Sabado, nagpaguwa sang abiso ang Department of Foreign Affairs (DFA) sa Filipinos sa United States nga magpabilin lang nga “low key” kag prosesuhon na nga mangin legal ang ila pagtinir sa US agud nga malikawan ang deportation nga mandu mismo sang presidente.
Santo sa record sang Immigration and Customs Enforcement (ICE), 956 ka mga tawo ang ila ginpangdakop sang Domingo nga kabahin gihapon sang nationwide immigration crackdown.
Ini ang pinakadamo nga nadakpan halin sang nagpungko liwat si Trump sa White House.
Ang mga arestado ng naghalin sa nagkalain-lain nga mga syudad nga gin-raid lakip na ang Chicago, Illinois; Newark, New Jersey; kag Miami, Florida.
