Nagpangayo sang pasaylo si Quezon City 2nd District Rep. Ralph Tulfo matapos nadakpan ang iya salakyan nga nagagamit sang EDSA busway sa ikaduha na nga kahigayunan.
Sa statement nga ginpagwa sang opisina sang iya amay nga si Sen. Raffy Tulfo, gin-ako sang bataon nga Tulfo nga gin-gamit sang iya salakyan ang EDSA busway.
Apang gin-athag niya nga wala sini gin-gamit ang ila posisyon agud pagdagdagan sang penalidad.
Suno sa iya, nabayaran na nila ang multa kag magapaidalom sa seminars bilang kabahin sang penalidad batok sa iya.
Nagpromisa man ini nga indi na masulit ang kaangay nga insidente.
Ang operatiba halin sa Special Action and Intelligence Committee for Transportation (SAICT) ang nagdakop sa driver ni Tulfo bangud sa violation.
Ang iya salakyan ang una nga nakit-an sa EDSA busway sang Sept. 26, 2024, kag nasulit ini sang Enero 23, 2025 – nga paglapas sa Republic Act 4136, ukon ang Land Transportation and Traffic Code.
Una na gin-athag sang Metro Manila Development Authority (MMDA) nga ang paglabay sa Busway ang ginatugot lang para sa authorized buses, emergency vehicles, President, Vice President, Senate President, Speaker of the House of Representatives, kag Supreme Court Chief Justice.
