Nagpati ang pila ka mga Uniteam supporters ukon ang nagsuporta sa kandidatura nanday President Ferdinand “Bong-bong” Marcos Jr. kag Vice Pres. Sara Duterte nga ‘very technical’ ang impeachment complaint ni VP Sara Duterte.
Sa interview sang Bombo Radyo kay Alyas Joe, teaching staff sa isa ka unibersidad, iya ginpahayag nga kon matigayon gidman ang impeachment, kinahanglan nga nakahibalo kag incompetent ang mga senators judges.
Suno kay Joe, tuman ka dugay ang proseso sang impeachment process sa pungsod antes matigayon nga matapos.
Wala naman nga nag-ekspektar ang natungdan nga magbulagay ang Uniteam nga iya ginsuportahan bangud una na nga nagpati siya nga professional si VP Sara bangud isa ini ka abogado.
Gintuad man sini nga wala natuman ni Duterte ang expectations sang minilyon nga mga nagboto sa iya.
Nagalaum man ang natungdan nga matutokan kag mahatagan sang nagakaigo nga pagtamod ang kaso nga ginapangatubang sang bise presidente nga iya anay sadto ginsuportahan.
Pabor naman ang pila ka mga Uniteam supporters nga i-impeach si Vice Pres. Sara Duterte.
Suno kay Alyas Ma’am Red, indi politically motivated ang impeachment complaint batok kay Vice Pres. Duterte.
Ginpahayag man sini nga sa subong, magapabilin siya nga magasuporta kay President Ferdinand “Bong-bong” Marcos Jr., apisar nga nagbulag na ang Uniteam .
Nagpanindugan man ang natungdan nga indi na niya pagbotohon liwat si Vice President Duterte kon magpadalagan man sa 2028 Presidential Elections.
Para naman sa mga supporters ni Former Vice Pres. Leni Robredo nga politically motivated ang ginahimo subong sang administrasyon ni Pres. Ferdinnad Bong-bong Marcos Jr. bangud matunog man nga magapadalagan si Duterte sa pagka-presidente.
Sa interview sang Bombo Radyo kay Herbert Lim, stall owner sa Iloilo Central Market, iya ginpahayag nga dapat atubangon ni VP Sara Duterte ang mga alegasyon nga ginahaboy sa iya kon wala siya gidman sang sala.
Suno kay Lim, lunsay pamulitika tanan ang ginahimo sang administrasyon ni Pres. Marcos Jr.,ilabi na nga may plano si Inday Sara nga magpapili sa Presidential Elections.
Indi man matumod sang natungdan kon magadaog si Inday Sara kon magapadalagan ini gidman sa pagka-presidente.
Nagalaum man si Lim nga maimbestigaran sang maayo ang mga alegasyon batok kay Duterte agud nga mapasabat ang mga may kapaltahan.
