Nahilway na sang Hamas militants ang tanan nga mga bihag nga ginpromisa nila nga ibalik sa Israel sa idalom sang una nga hugnat sang ceasefire agreement.
Anum ang gin-release sang militante nga grupo, lakip ang duha nga ginhatag sa Red Cross sa Rafah sa southern Gaza kag ginpasaka pa sa entablado sa pagpanguna sang armado nga Hamas fighters.
Ginsunod ang tatlo nga gintugyan man sa Red Cross officials sa Nuseirat sa central Gaza sa separado naman nga seremonya.
Ang isa naman kag katapusan nga bihag amo ang 37-anyos nga gin-turn over sa Red Cross. Ginhimo siya nga hostage sang Hamas sang nagsulod siya sa Gaza sadtong Abril 2015.
Sila ang anum nga katapusan sa grupo sang 33 hostages nga nalakip sa first stage sang ceasefire nga nagsugod sang Enero 19.
Bilang kabaylo, paguwaon naman sang Israel ang 602 ka mga Palestinian nga ila ginhunong sa mga presuhan lakip ang 445 nga gin-detain nila sang gin-umpisahan ang gyera sa Gaza.
Nalakip man diri ang 151 prisoners nga may life or high sentences. Ini ang pinakadaku nga grupo nga buy-an sang Israelis sa idalom sang ceasefire agreement.
