Pangunahan sang Department of Trade and Industry (DTI) ang business mission sang Pilipinas sa United States (US) agud buligan nga mapapag-on ang posisyon sang pungsod bilang quality provider sang healthcare information management services.
Ini agud nga makapangita kag makapasangkad pa sang dugang nga market.
Sa statement sang ahensya, ginsiling nga magapartisipar ini sa Healthcare Information and Management Systems Society (HIMSS) Global Health Conference and Exhibition sa Las Vegas, Nevada subong nga semana.
May ginpahamtang nga pavilion sa conference para sa Pilipinas agud mapakita ang healthcare expertise sang pungsod.
Dugang sang ahensya, tuyo sang gobyerno nga mapadayaw ang highly skilled kag professional workforce, competitive cost structure, adherence sa global standards, kag mapag-on nga government support agud mas makaengganyo sang potensyal nga mga investors.
