Kasunod sang pagkaaresto kay Duterte kag pagbiya sang ginasakyan nga eroplano agud dal-on na ini sa Netherlands pasado las-onse kagab-i, nag-atubang sa media si Presidente Ferdinand Marcos Jr. agud maghatag sang statement.
Ginkumpirma niya nga iya nabaton ang arrest warrant halin sa ICC, las-tres sang kaagahon kahapon.
Suno sa iya, isa ini ka “very clear” document nga nagasiling sang basehan sang pag- aresto kay Duterte.
Ginpahayag ni Marcos nga ginhimo niya ini bangud ginhingyo sang Interpol kag may commitment ang Pilipinas sa ila.
Dugang niya, may yara sang mayo nga basehan sa pagserbe sang warrant kag ginpanginwala ang pahayag sang Duterte camp nga iligal ang pag-aresto kay Duterte.
Indi man kumporme si Marcos nga nagasupak sa Philippine sovereignty ang pagdakop sa anay presidente.
Ginpanginwala man niya nga political persecution ang natabo bangud gin-umpisahan ang imbestigasyon antes pa man siya nangin current president.
Gin-insister man sini nga wala naghatag ang Pilipinas sang ano man nga dokumento sa ICC.
