Ginselebrar ni Pope Francis ang ika-12 nga anibersaryo sang iya pagka-Santo Papa samtang yara sa ospital.
Suno sa Holy See Press Office, gindal-an siya sang medical staff sang cake sa sulod sang iya hulot sa Gemelli Hospital sa Roma, Italya bangud espesyal ini nga adlaw sang iya pagpungko bilang lider sang Roman Catholic Church sadtong 2013.
Sa update sang Vatican, nag-upod man ang Pope sa pagpangamuyo kag meditations paagi sa videolink, kag ginpadayon man ang iya kinaandan nga treatments kag physiotherapy.
Matapos ang pagpangamuyo, nagbalik ini sa iya breathing exercises.
Magluwas sa cake, wala na sang na-mensyonar nga special events sa anniversary, apang suno sa Vatican, ginpakita kay Pope ang ginatos ka messages of goodwill nga ginpadala halin sa mga eskwelahan, religious institutions, kag mga kabataan nga suod sa iya.
Natalana nga mag-isyu sang bulletin ang Vatican press office sa Byernes sang gab-i oras sa Roma kag Sabado sang kaagahon naman oras diri sa Pilipinas.
Yari ang post sang Vatican News:
“Pope Francis celebrated the 12th anniversary of his pontificate with the medical staff of Rome’s Gemelli Hospital, who brought a cake with candles to his room.
According to the Holy See Press Office, the Pope also followed the Spiritual Exercises for the Roman Curia via video link with the Paul VI Hall, and resumed respiratory therapy.
He continues to alternate between non-invasive mechanical ventilation at night and high-flow oxygenation with nasal cannulas during the day.
His clinical situation remains stable within a complex condition. A new medical bulletin is expected on Friday evening.”
Nahibaluan nga gina-istoryahan na subong kun san-o makabalik sa Vatican si Pope.
Pebrero 14 siya sang gindala sa ospital kag na-diagnose nga may double pneumonia. Ini ang pinakamalawig nga tion nga wala siya makit-an sang publiko.#
