Ginakabig sang Police Regional Office 6 (PRO-6) nga madinalag-on ang nangin operasyon sang kapulisan batok sa iligal nga druga sa Calapan Port, Oriental Mindoro.
Ini kasunod sang pagkumpiskar sang P816 million nga ginapahayag shabu nga idul-ong pa kuntani sa Iloilo City.
Sa interview sang Bombo Radyo kay Police Lieutenant Colonel Arnel Solis, spokesperson sang Police Regional Office 6, iya ginpahayag nga ang tikang ang nagapakita lamang nga nagabinuligay ang mga law enforcement agencies sa pagkampanya batok sa iligal nga druga.
Padayon man ang pagbantay sang talatapan sa indibidwal nga posible may kaangtanan sa iligal nga aktibidad.
Suno kay Solis, indi pa mahambal kon sa syudad gidman sang Iloilo dal-on ang iligal nga druga apang, kon lantawon ang direksyon sang ruta, mahimo nga mag-agi ini sa Iloilo.
Indi man sini matumod kon intended gidman sa Iloilo ang mga iligal nga druga.
Ginpabugal man sang natungdan nga bisan sa statistics sang PRO-6 makit-an nga wala nagapabaya ang otoridad sa pagbantay batok sa iligal nga druga.
