Natalana nga itiglawas sang isa ka dance group sa Western Visayas ang Pilipinas sa World Supremacy Battlegrounds sa Dubai, United Arab Emirates sa Hulyo 7 tubtob 13.
Sa interview sang Bombo Radyo kay Jonathan Yukie Igpuara, manager sang Fearless Street Company, iya ginpahayag nga dako ini nga kahigayunan agud mapakita sang grupo ang ila talento agud saksihan sang bilog nga kalibutan.
Suno kay Igpuara, sa subong, masako ang ila grupo sa preparasyon para sa ila mangin performance sa hiphop nga genre nga ila intrahan.
Magluwas diri, ginatinguhaan nila nga makatipon man sang pondo agud panggasto nila sa ila pagpadulong sa Dubai.
Nagapati naman ini nga masarangan sang ila grupo nga magmadinalag-on sa international stage.
