Ginbawian sang kabuhi ang isa ka iloy matapos nga nag-awas sang nagkulob ang ginasakyan sini nga tricycle nga ginamaneho sang iya bata sa Brgy. San Lucas, Barotc Viejo.
Ang napatay nga biktima amo si alias Jovelyn, 42, sang Brgy. Vista Alegre sa amo man nga banwa samtang ang anak sini nga si alias Nonoy, 18-anyos ang may mga pilas sa lawas.
Sa interview kay Police Staff Sergeant Rio Dawn Mitchelle Candilario, Traffic investigator sang Barotac Viejo Municipal Police Station, halin ang mag-iloy sa nabukid nga barangay para mag- harvest sang mais kag mapauli na kuntani sang natabo ang insidente.
Suno naman kay alias Nonoy, mahinay ang iya pagpadalagan sang tricyle sang gulpi lang naguba ang tapaludo sang tricycle rason sang ila pagkatumba.
Patal nga pilas sa ulo ang naagom sang iloy nga gindala pa sa ospital apang gindeklarar nga dead on arrival.
