Gingamit ni Pasig congressional candidate Atty. Ian Sia ang mga tinaga nga “freedom of speech” sa iya pagdepensa sa iya “lahog” nahanungod sa solo parents nga iya pahulidon sa iya sa isa ka bes kada tuig.
Nakabutang ini sa sabat ni Sia sa una nga show cause order nga ginpaguwa sang Commission on Elections (Comelec) nga nagaserbe man nga warning sa posible matabo nga disqualification.
Abril 8 ginpasa ang sabat ni Sia sa Comelec, apang kahapon lang, Abril 9, ginpakita ang kopya sini sa mga katapo sang media.
Nagsabat ang abogado nga ang iya statements ang wala ginhimo agud nga mag-“discriminate, exclude, restrict, demean or harass” sa female solo parents.
Gin-kwestyon pa sini ang legalidad sang Comelec Resolution No. 1116 nga amo ang naga-set sang guidelines sa patas nga pagpangampanya kag proteksyon batok sa diskriminasyon. Suno sa iya, may nakit-an ini nga “constitutional infirmity.”
“Resolution No. 11116 suffers from constitutional infirmity. Resolution No. 11116 was promulgated pursuant to Section 13 of Republic Act No. 9006. However, Section 13 of Republic Act No. 9006 provides that rules and regulations issued pursuant thereto must be for the implementation of said law, which is in relation to equal time and opportunity in relation to the posting of election propaganda,” suno kay Sia.
“Even assuming without conceding that Resolution No. 11116 is valid, I did not violate the same when I uttered the statements on or about 03 April 2025.”
Matandaan nga antes ang iya sabat sa Comelec, naka-isyu naman si Sia sang public apology bangud sa pag-ulan sang pagpakamalaot batok sa iya.
Nasundan pa ini sang isa pa ka hitabo sang body-shaming sa isa babaye nga former staffer, gani nga nag-isyu ang Comelec sang ikaduha nga show cause order batok sa congressional candidate.
Sang Abril 8, nag-isyu man ang Korte Suprema kay Sia sang show cause order kaangot sa iya joke sa single mothers kasunod sang request for an examination nga gin-file sang Gabriela Women’s Party.
