Tatlo ka mga tawo ang napatay sa panibag-o nga pagtibusok sang eroplano nga natabo sa Estados Unidos sang Amerika.
Didto ini sa Boca Raton Airport sa Florida kun sa diin ang involved amo ang Cessna 310 aircraft nga pakadto kuntani sa Tallahassee International Airport sa amo man nga state.
Nakit-an ang gamay nga eroplano nga nagtiyog-tiyog sa kahawaan antes nagbalik kuntani sa airport sa Boca Raton, apang nagsigabong, kag nag-crash.
Magluwas sa tatlo nga sakay nga napatay, may isa ka tawo sa idalom nga nasamaran man bangud sa insidente.
Padayon subong ang imbestigasyon sang National Transportation Safety Board kag sang Federal Aviation Administration, apang sa inisyal nga impormasyon, may yara sang natabo nga mechanical issues.
Sa statement matapos ang plane crash, nagpadala si Boca Raton Mayor Scott Singer sang mensahe sang simpatiya sa mga pamilya sang mga biktima, kag nagdayaw naman sa madasig nga pagresponde sang rescue teams.
“Our hearts are heavy today with this tragic loss of life. Our thoughts and prayers go out to the families and all affected. As every day, we are grateful for the swift action of our Boca Raton Fire Rescue Department and Boca Raton Police Department,” suno kay Singer. “We are grateful for their continued work and our partnerships with other public safety agencies who have also responded. Our community is caring, strong, and resilient, and we will be there to help all affected.”
