Pilason ang lima ka mga estudyante sa high school sa Dallas, Texas, USA matapos nagsulod sa eskwelahan kag nagpangluthang ang isa ka 17-anyos nga solterito.
Naga-edad sang 15-18 anyos ang mga biktima nga subong yara na sa ospital para sa nagakaigo nga pagbulong.
Ang suspek naman sa amo nga shooting sa Wilmer-Hutchins High School sa southeast Dallas ang yara na sa kustodiya sang pulis. Magapangatubang ini sang kaso nga first-degree aggravated assault mass shooting.
Wala sang ginhatag nga impormasyon ang awtoridad kun ano ang motibo sang suspek sa pagpangluthang. Nagapadayon pa subong ang imbestigasyon.
