Nagpanindugan ang Israel nga wala ini sang pasudlon nga anuman nga ayuda sa Gaza sa Palestine kun sa diin nagapuyo ang 2.4-million ka mga tawo.
Suno kay Defense Minister Israel Katz, klaro ang polisa sang Israel nga balabagan nila ang humanitarian aid, bangud paagi sini, ma-pressure nila ang Hamas militants.
Una man nga nagpaathag si Prime Minister Benjamin Netanyahu nga ang military pressure amo ang isahanon nga paagi nga ma-release ang 58 ka mga bihag nga yara pa subong sa Gaza.
Marso 18 sang ginbalik sang Israel ang ila air and ground attacks sa Gaza Strip nga amo ang nagtapos sang duha ka bulan nga ceasefire sa Hamas.
Sang Myerkules, 11 ang patay sa isa lamang ka adlaw bangud sa atake sang Israel.
Marso 2 naman sang gin-umpisahan ang pagpauntat sa pagsulod sang ayuda nga amo ang nagpalala sang humanitarian crisis sa amo nga teritoryo.
