Nagpabutyag sang pagkabalaka kay simpatiya si Iloilo City Mayor Jerry Treñas sa isa ka lalaki nga call center agent nga ginkastigo sang wala makilal-an nga mga indibidwal sa SM Strata, Mandurriao, Iloilo City.
Ang biktima amo si Junelle Baldon nga base sa imbestigasyon, ginpulihan tapungol sang tatlo ka mga lalaki samtang nagahulat ini sang jeep.
Suno kay Mayor Jerry Treñas, ginmanduan na niya ang Iloilo City Police Office nga magpatigayon sang maid-id nga imbestigasyon.
Nagpanawagan naman ang alkalde sa publiko nga mangin mabinantayon sa palibot kag magbulig sa paghatag sang impormasyon tuhoy sa kaso.
Suno pa sa alkalde, ang safety sang kada Ilonggo ang dapat nga mangin prayoridad gid.
Sa interview naman sang Bombo Radyo kay PCaptain Val Cambel, hepe sang Police Station 10, iya ginpahayag nga nagapatigayon sila sang backtracking sa mga cctv footages agud ma-identify ang mga lalaki.
Suno kay Cambel, posible nga na-tripan lang ang biktima.
Nahibaluan nga manugpauli na kuntani ang biktima halin sa trabaho sang natabo ang insidente.
