Dakop sa ginpatigayon nga drug buy-bust operation sa Ungka, Jaro ang 47 anyos nga driver sang Western Visayas Transport Cooperative ukon WVTC.
Ang operation ang ginpangunahan sang Philippine Drug Enforcement Agency ukon PDEA VI.
Nagdangat sa P168,000 ang narecover nga balor sang ginpahayag illegal nga droga sa driver.
Sa interview sang Bombo Radyo kay Raymundo Boyet Parcon, Presidente sang Iloilo City Loop Alliance of Jeepney Operators and Drivers Association (ICLAJODA) kag Chairperson sang Western Visayas Transport Cooperative – WVTC, iya ginkumpirma nga ila driver ang nadakpan.
Dugang sini nga wala sini ginatolerar ang nagakatabo sa ila kooperatiba sa diin, siya mismo ang nagatinguha paagi sa PDEA.
Ginapasigurado man sang natungdan nga indi na makabalik bilang driver sang kooperatiba ang nadakpan nga subject.
