Nagdeklarar ang National Disaster Risk Reduction and Management Council (NDRRMC) sang Blue Alert status bilang paghanda sa May 12 National kag Local elections.
Nagakahulugan ini nga katunga sang mga disaster officials ang naka-standby agud gilayon nga magresponder sa anuman nga emerhensya.
Ang Office of Civil Defense (OCD) nagpagwa sang memorandum nga nagatalana sang Blue Alert status halin alas 8 sang aga Mayo 9 tubtob alas 8 sang aga sa Mayo 14 agud masiguro ang nagakaigo nga koordinasyon sa tunga sang mga ahensya sa tion sang eleksyon.
Ang mga opisyales gikan sa Armed Forces of the Philippines (AFP), Bureau of Fire Protection (BFP), Philippine Coast Guard (PCG), kag Philippine National Police (PNP) ang magapanguna sa NDRRMC Operations Center agud magsabat sa mga insidente kag pangabay sang mga regional disaster council.
Magluwas diri, ginamonitor man sang PNP ang mga lugar nga may narekord nga election-related violence.
Nagapanawagan ang OCD sa publiko nga magpabilin nga mabinantayon kag magkooperar sa mga otoridad agud masiguro ang malinong, safe, kag matawhay nga eleksyon.
