Ginproklamar na si Kerwin Espinosa bilang bag-o nga alkalde sang Albuera, Leyte matapos ang midterm elections 2025.
Nakakuha si Espinosa sang 14,919 ka boto base sa 100% nga election returns sa ila lugar.
Napyerde ang duha niya ka mga kasumpong nga sanday si Vince Rama nga may 9,744 ka boto kag si Sixto dela Victoria nga may 3,842 ka boto.
Nakit-an nga nagasuksok si Espinosa sang bullet-proof vest sa iya proklamasyon bilang pagpangaman matapos nga siya ang ginluthang sang panahon nga siya ang nagakampanya pa.
Ginproklamar man ang iya utod nga si RR Espinosa bilang bise alkalde sang Albuera.
Ginbuyagyag man ni Espinosa ang iya plano bilang lider sang nasambit nga lugar, kun sa diin ang una gid niya nga tutukam amo ang peace of order.
Pagahatagan man ni Espinosa sang igtalupangod ang problema sang droga agud nga mahatagan man ini sang nagakaigo nga solusyon.
Madumduman nga si Espinosa ang kilala nga nag-amin sadto sa Senado sang 2016 nga kabahin siya sa illegal drug trade, pero ginbawi niya ini kag ginpahayag nga ginpwersa lang siya nga magtu-ad apisar nga wala man sang kamatuoran.
