Nagdangat sa 114 ka mga Palestinian ang nagkalamatay sa air strikes sang Israel sa Gaza sang Huwebes.
Sandig ini sa pahayag sang health officials samtang nagapadayon kag nagasangkad ang ground offensive sang Israel sa Gaza Strip bangud sa ila target nga Hamas kag Palestinian Islamic Jihad fighters.
Sa Khan Younis, 56 ka mga tawo lakip ang kabataan kag kababainhan ang nagtaliwan sang ginbombahan ang mga balay kag tent kun sa diin sila nagapalipas sang gab-i.
Sa northern town of Jabalia, may atake man sa health clinic kag prayer hall nga nagpatay sa 13 ka mga tawo.
Ini nga air strikes ang ginhimo bisan nga yara sa Middle East nagabisita subong sa si US President Donald Trump.
Ginbisita sini ang United Arab Emirates nga amo ang iya ikatatlo kag katapusan nga hapitan sa Middle East kasunod sang Qatar kag Saudi Arabia.
