Naglunsar sang malapad nga drone strike ang Indian forces batuk sa mga kampo sang China-backed nga grupo nga ULFA-I kag NSCN-K sa rehiyon sang Sagaing, Myanmar.
Suno sa report, nawasak ang Eastern Command headquarters sang ULFA-I sa lugar sang Hoyat Basti kag ginasiling nga napatay ang senior commander nga si Nayan Medhi, samtang 19 ka miyembro sang grupo naman ang pilason.
Ang ULFA-I nga ginapangunahan ni Paresh Baruah kag ang NSCN-K, pareho nga may base sa Myanmar, gina-akusar nga nagapanikasog nga destabilize sang seguridad sa Northeast India, may bulig halin sa China sa porma sang armas kag logistical assistance.
Ginpahayag sang ULFA-I nga ang mga drone nga ginamit sang India sa operasyon amo ang Israeli-made nga Heron TP kag Harop, upod pa sang posible nga French Harfang drone support.
Target sang operasyon nga mapahagan-hagan ang impluwensya sang China kag mapabaskog ang national security sang India.
