Gin-anunsyo sang Commission on Elections ukon COMELEC ang amended calendar of activities para sa Barangay kag Sangguniang Kabataan Elections nga pagahiwaton sa Disyembre 1, 2025.
Magasugod ang voter’s registration sa Agosto 1 tubtob 10, samtang ang Special Register Anywhere Program (SRAP) kag online filing sang applications for reactivation igapatuman halin Agosto 1 tubtob 7.
Ang filing of Certificates of Candidacy naman naka-iskedyul sa Oktubre 1 tubtob 7.
Ginpahanumdom man sang COMELEC nga ginadumilian ang premature campaigning halin Oktubre 1 tubtob Nobyembre 19.
Ang election period kag ‘gun ban’ magasugod sa Oktubre 27 kag magapadayon tubtob Disyembre 31.
Ang official campaign period igapatuman halin Nobyembre 20 tubtob 29.
Sa Disyembre 30, ukon eve of election day, may ipatuman nga liquor ban kag prohibition sa campaigning.
Sa ELEKSYON DAY mismo sa Disyembre 1, maga-umpisa ang early voting para sa senior citizens, persons with disabilities kag mga mabusong nga kababainhan alas 5:00 tubtob alas 7:00 sang aga.
Ang regular voting hours magalawig halin alas 7:00 sang aga tubtob alas 3:00 sang hapon.
Ang katapusan nga adlaw sang pagpasa sang Statement of Contributions and Expenditures (SOCE) amo ang Disyembre 31, 2025.
Suno sa COMELEC, ang voter registration sa BARMM para lamang sa BSKE kag wala sang epekto sa final list of voter’s para sa BARMM Parliamentary Elections sa Oktubre 13, 2025.
Ang mga kwalipikado nga magaboto sa May 12, 2025, National and Local Elections, amo man ang makaboto sa BARMM Parliamentary Elections.
