PLTGen. Estomo, hugot nga ginpanginwala nga involved ini sa kaso sang ‘missing sabungero’
Hugot nga ginpanginwala ni retired police general PLTGen. Jonnel Estomo ang pagkaulamid sang iya nga pangalan sa kontrobersiyal nga kaso sang mga missing sabungeros.
Ginpahayag ni Estomo nga ginarespeto niya ang ginahimo nga imbestigasyon kaangot sa pagkadula sang mga sabungero kag ang kinamatarong sang pamilya sang mga biktima nga mahibaluan ang kamatuoran kag maangkon ang hustisya.
Matandaan nga ginpangbuyagyag na sang whistleblower nga si Julie “Dondon” Patidongan ang pangalan sang mga pulis nga gin-alegar may kahilabtanan sa pag-kidnap kag pagpatay sa mga sabungeros sang 2021.
Natabo ang pagbulgar sang mga pangalan ang nagpasaka si Patidongan kaupod ang pamilya sang missing sabungeros sang administrative complaint sa National Police Commission (Napolcom) batok sa masunod nga mga pulis:
Police Colonel Jacinto Malinao Jr. (Visayas)
Police Lieutenant Colonel Ryan Jay Orapa (Highway Patrol Group or HPG)
Police Major Mark Philip Almedilla (Cavite HPG)
Police Executive Master Sergeant Aaron Ezrah Cabillan (HPG)
Police Chief Master Sergeant Arturo dela Cruz Jr. (Cavite HPG)
Police Staff Master Sergeant (PSMS) Joey Encarnacion (Cavite HPG)
PSMS Mark Anthony Manrique (HPG)
PSMS Anderson Abale (Cavite HPG)
Police Staff Sergeant Alfredo Andres (Cavite HPG, due for retirement)
Police Corporal Angel Joseph Martin (Cavite HPG)
Gin-tag naman ni Patidongan si Estomo nga amo ang luyag nga siya ang ipapatay.
