Ginbasura sang Pasig RTC Branch 159 ang petisyon para sa piyansa ni Apollo Quiboloy, lider sang Kingdom of Jesus Christ, kag lima pa nga kaupdanan sini sa kaso nga qualified human trafficking kag sexual abuse.
Sa 23 ka pahina nga desisyon sang Hulyo 20, ginsiling sang korte nga may mabakod nga ebidensiya batok sa mga akusado.
Gin-athag sang korte nga wala ini nagakahulugan sang prejudgment sang kaso kundi desisyon lamang sa isyu sang piyansa.
Suno sa reklamo, ang mga biktima nga nag-upod sa KOJC sang 2011, ang ginmolestiya sa idalom sang ginatawag nga “bodily connection ministry” kag ginpabaligya sang pagkaon bilang ispiritwal nga obligasyon.
Si Quiboloy ang nagapangatubang sa non-bailable qualified human trafficking charge sa idalom sang RA 9208 kag separar nga kaso nga child abuse sa idalom sang RA 7610 sa Quezon City.
