Naglab-ot na sa 60 ka mga tawo ang napatay bangud sang lapnagon nga pagbaha sa northern China nga dala sang padayon nga pagbubo sang ulan.
Suno sa awtoridad, lakip sa casualties amo ang 31 ka tigulang nagikan sa elderly care home sa Miyun district.
“The town centre where the nursing home was located had been safe for a long time, and was not included in the relocation plan,” suno kay Yu Weiguo, ang top official sang distrito sang Miyun.
“This showed that our contingency plan had flaws, and our understanding of extreme weather was inadequate,” pahayag pa sini samtang emosyonal sa press briefing.
16 ka tawo man ang napatay sa kaiping nga probinsya sang Hebei samtang walo naman sa syudad sang Chengde.
Kabug-usan naman nga 300,000 ka mga tawo ang naapektuhan sang pag-ulan kun sa diiin masobra na sa 24,000 ka mga balay ang nahalitan kag masobra 200 ka mga taytay ang naguba.
