Ginpangunahan ni Pope Leo XIV ang isa ka makasaysayan nga final mass kahapon nga adlaw, Hulyo 3 para sa masobra isa ka milyon nga kabataang katoliko halin sa bug-os nga kalibutan.
Nahibaluan nga ini na ang ulihi nga misa sang Santo Papa nga kabahin sang isa ka dako nga youth pilgrimage nga nagtipon sang mga kabataan halin sa nagkalain-lain nga pungsod agud e-selebrar ang Jubilee holy year nga may tema nga pagtuo, paghiliusa, kag paglaum.
Sa bilog nga semana, naglab-ot sa 500,000 ka mga kabataan ang nagpadulong sa Roma, kag sang Sabado sang gab-i, gin-report sang mga organizer nga naglab-ot ini sa 800,000 ang nagtambong sa vigil.
Kahapon nga nga adlaw, nagtaas pa ini sa isa ka milyon ang mga nagtambong.
Madamo sa mga nagtambong ang nag-camp sagguwa nga bahin, nagtulog sa mga tent, sleeping bag, ukon sa mga banig samtang nagahulat sang misa.
Ginhiwat ang misa sang udto, kag ginpangunahan sang Santo Papa nga nag-abot sakay sa helicopter.
