Pormal na nag-assume bilang OIC PNP Chief si PLTGen. Melencio Nartatez.
Wala naman nagtambong sa turnover ceremony kaina sang aga si anay PNP Chief General Nicolas Torre III nga ginpangunahan ni Sec. Jonvic Remulla.
Ginklaro ni Interior and Local Government Secretary Jonvic Remulla nga wala ini ginrekomenda kay President Ferdinand Marcos Jr. nga i-relieve sa pwesto si Torre.
Wala man sang may ginlapas nga layi, suno sa pahayag ni Senator Ping Lacson nga anay lider man sang pambansang pulisya.
Ginbuyagyag man ni Remulla nga ginkosiderar ni Pres. Marcos nga hatagan sang pwesto sa gobyerno sang anay PNP chief.
Gin-athan man niya nga wala sang pamulitika ang pagkakas sa pwesto kay Torre.
Ginsiling sang opisyal, “Difficult and necessary” ang nangin desisyon sang Presidente nga kakson si Torre sa pwesto.
Aminado si Remulla nga isa sa nangin konsiderasyon ni Marcos nga kakson si Torre amo ang indi pagsuno sa ginpagguwa nga resolution sang National Police Commission (NAPOLCOM) nga i-recall ang ginpatuman sini nga pagbalasa.
Sa subong, may duha ka option ang anay PNP Chief, ini amo ang early retirement ukon mag-stay sa pwesto.
Samtang ang apat ka star rank ni Torre ang estoryahan sang NAPOLCOM
Base sa layi isa lang sa PNP ang may 4 star rank kag ini ang lider sang pambansang pulisya.
Ginpahayag ni Remulla nga lima ka beses niya gintawgan si Torre kagab-i apang wala niya ini ginasabat.
