Ginlunsar ang panibag-o nga website nga amo ang makabulig sa publiko nga ma-monitor kag ma-evaluate ang mga existing flood control projects kag malagas ang ginatawag nga “ghost” projects.
Paagi ini sa gintingob nga pwersa sang Department of Budget and Management (DBM), Department of Information and Communications Technology (DICT), iban pa nga government agencies, kag ila mga partners.
Ginatawag ini nga Digital Information for Monitoring and Evaluation (DIME) nga separado pa gid sa “Sumbong sa Pangulo” website.
Suno kay DBM Sec. Amenah Pangandaman, makit-an diri ang tanan nga yara sa General Appropriations Act pati na ang infrastructure projects sa Department of Education (DepEd) kaangay sang mga school buildings.
“Today, everyone can look at our infrastructure projects,” kabahin sang speech ni Pangandaman. “Everyone can log in their inputs, whether there are ghost projects or if there are ongoing projects, whether they are complete, finished or not.”
“That’s all we want to do here, to show that we, our government, are very transparent in implementing projects, and we also want to be accountable for what we do,” dugang sini.
Paagi sa dime.gov.ph, mahimo mapangita ang pangalan sang partikular nga proyekto kag lantawon kun may progreso man ang implementasyon.#
