Ginkumpirma ni Department of Justice (DOJ) Secretary Jesus Crispin Remulla nga may yara na sang ginpagguwa nga Immigration Lookout Bulletin Order (ILBO) batok sa mga indibidwal nga may kaangtanan sa pagkadula sang mga manugbulang.
Lakip diri ang negosyante nga si Atong Ang, kag ang actress nga si Gretchen Barretto.
Upod man sa ILBO si anay PNP National Capital Regional Police Office Director Jommel Estomo.
Suno kay Remulla nga tanan nga mga ginsambit sang whistleblower nga si Julie ‘Dondon’ Patidongan ang kabahin sa ILBO sa pagkadula sang yara sa 100 ka mga manugbulang humalin 2021 tubtob 2022.
Gin-ako man ni Remulla nga may yara sang iban pa nga may kaangtanan ang nakagguwa na sa pungsod.
