Handa nga magpresentar sang counter evidence ang defense team ni anay Presidente Rodrigo Duterte sa tion nga mag-atubang ang anay Presidente sa International Criminal Court (ICC) sa Setyembre 23.
Sa isa ka redacted document nga napetsahan Setyembre 2, ginpahibalo sang lead defense lawyer ni anay President Duterte nga si Nicholas Kaufman ang Pre-Trial Chamber 1 sang mga ebidensya nga iya isumiter para sa confirmation of charges hearings nga magasuporta sa mga argumento batok sa mga dokumento nga nagaunod sang mga kaso batok sa anay presidente.
Ang abiso sang defense team ang nagasanto sa Rules of Procedures and Evidence sang ICC, nga nagakinahanglan sa depensa nga maghatag sang listahan sang ebidensya sa korte indi maglapaw sa 15 ka adlaw antes ang natalana nga hearing.
Natalana nga magasugod sa Setyembre 23 ang apat ka adlaw nga confirmation of charges hearing sa ginaalegar crimes against humanity batok sa anay Presidente sang Pilipinas.
