Natukiban sang team sang independent experts nga gin-komisyon ang Human Rights Council sang United Nations nga nagakomiter ang Israel sang genocide sa Gaza.
Ini ang pinakaulihi nga akusasyon batok sa gobyerno ni Israeli Prime Minister Benjamin Netanyahu kag sa gyera sini sa Gaza nga nag-umpisa sadtong Oktubre 2023.
Lakip sa gin-report sang mga nag-imbestigar amo ang pagpamatay sa mga Palestinians kag paghatag sang pisikal kag mental nga halit sa ila.
Halos 65,000 na nga mga Palestinians ang napatay halin sang gyera sang Oktubre 7 santo sa record sang Palestinian health ministry sa Gaza.
Ini nga komisyon kag mangin ang UN-HRC ang indi makahulag batok sa Israel bisan pa ano man ang ila nadiskubrehan, apang ang ila nga report ang mahimo magamit sang mga prosecutors sa International Criminal Court (ICC) ukon sa International Court of Justice sang UN.
Nahibaluan nga wala man naga-kooperar ang Israel sa komisyon kag ginapasibangdan pa sini ang HRC nga biased ukon indi patas sa ila. Subong nga tuig, ang Trump administration sang USA nga kaalyado sang Israel ang nag-withdraw man sa amo nga council.#
