Linibo ka mga tawo sa Washington, D.C. ang naghublag protesta agud ipanawagan ang impeachment batok kay U.S. President Donald Trump.
May tema ang rally nga “Remove the Regime”, kun sa diin ginpatigayon ang nagkalain-lain nga aktibidad lakip ang speeches, comedy acts, kag live music performance halin sa banda nga Dropkick Murphys kag Earth to Eve.
Kaangot sini, ginpatigayon man ang isa ka gamay nga solidarity rallies sa Charlotte, North Carolina kag Fairmont, West Virginia kasunod sang ”No Kings movement” sang nagligad nga bulan nga gintambongan sang masobra 7 million ka mga tawo sa nagkalainlain nga syudad sa pungsod.
Nahibaluan nga ang protesta ang kadungan sang indi manami nga poll numbers ni Trump nga nagapakita sang 14 tubtob 26 ka porsyento nga disapproval rating, kadungan sang mga kabalaka sang publiko sa nagataas nga presyo sang balaklon sa pihak sang trade war policies sang administrasyon.
