Luyag sang mga otoridad sang Pilipinas nga padasigon ang repatriation sang bangkay ni Maryan Pascual Esteban, isa ka Filipina nga napatay sa sunog sa isa ka high-rise building sa Hong Kong.
Suno kay Consul General Romulo Victor Israel, umpisahan na nila ang kinahanglan nga paperwork para mapadasig ang pagpauli sa bangkay sang biktima.
Lauman nga magalab-ot sang duha ka semana ang proseso, apang ginasiguro ni Israel nga tinguhaan nila nga padasigon ini.
Nahibaluan nga nabilin ni Esteban ang iya 10 anyos nga anak sa Cainta, kun sa diin personal nga nagbisita ang Department of Migrant Workers sa pamilya.
Samtang, kadam-an sang mga Pilipino sa nasambit nga lugar nakumpirma na, apang duha ka mga indibidwal sa gihapon ang ginatinguhaan nga pangitaon bangud sa daan nga data sang contact numbers.
