Gin-aresto na sang FBI ang suspek nga nagtanom sanh pipe bombs malapit sa National Committee headquarters sang Democrats kag Republicans isa ka gab-i antes ang 2021 US Capitol riot.
Ginpahayag ni Attorney General Pam Bondi, ginkilala ang suspek nga si Brian Cole Jr.
Suno sa iya, wala sang bag-o nga tip kag bag-o nga witness, apang nadakpan ang suspek pinaagi sa paghimakas sang mga kapulisan.
Nagapangatubang ang suspek subong sang transporting an explosive device in interstate commerce kag malicious destruction by means of explosion.
Ginkondenar ni Bondi ang justice system ni anay US President Joe Biden bangud sa wala nila gilayon naaresto ang suspek.
Matandaan nga nag-offer ang FBI sang $500,000 nga reward para sa impormasyon nga makabulig sa mga imbestigador kag gilayon na maaresto ang suspek.
