Nabaton na sang legal team ni anay Presidente Rodrigo Duterte ang report sang accredited panel of experts sang International Criminal Court (ICC) sa medical condition sini.
Suno sa lead counsel nga si Atty. Nicholas Kaufman, confidential pa ang sulod sang amo nga report kag indi pa ini mabulgar sa publiko.
Gindugang pa niya nga ginpagwa ang report para lamang sa depensa kag sa korte.
Una na nga gintalana sang ICC Pre-Trial Chamber I ang Disyembre 5 bilang deadline para sa panel sang experts nga magsumiter sang report sa medical examination ni Duterte, kasunod sang request sang defense team para sa isa ka indefinite adjournment sang proceedings.
