Madinalag-on nga Nabawi sang gobyerno sang Nigeria ang masobra 100 ka mga estudyante nga gin-kidnap sang nagligad nga bulan kag gindala sa kabisera sang Minna.
Wala naman ginpakigbahin sang gobyerno ang detalye sang operasyon, kun ini ang ginpatigayon pinagi sa negosasyon ukon ransom.
Gindayaw ni Nigerian President Bola Tinubu ang mga nagresponde nga grupo kag ginsiling nga dapay mabalik nga safe ang tanan nga mga biktima sang kidnapping sa pungsod.
Nagpromisa man siya hugton pa ang seguridad agud malikawan ang pagdamo sang amo nga insidente.
Ginakabig nga isa sa pinakadako nga mass kidnapping sa pungsod ang natabo, sa diin suno sa Christian Association of Nigeria, masobra 300 ka mga estudyante kag 12 ka mga worker sang gobyerno ang gin-kidnap, kag 50 sa mga ini ang nakatakas.
Nagtuga ini sang lapnagon nga kaakig sa publiko ang insidente, ilabi na sa nagalala nga kaso sang kidnapping sa mga eskwelagan sa naaminhan nga bahin sang Nigeria.
