Nagpili na ang House of Representatives sang ila mga representante sa bicameral conference committee nga amo ang mag-reconcile sa mga kinalain sang bersyon sang Senado kag Kamara sa ginaproponer nga P6.793 trillion national budget para sa 2026.
Sa plenaryo, gin-anunsyo ni House Majority Leader Rep. Ferdinand Alexander “Sandro” Marcos ang 11 ka kongresista nga mangin kabahin sang House contingent, kag ini ang ginalakipan nanday:
Rep. Mikaela Suansing (Nueva Ecija 1st District, Chair sang House Appropriations Committee)
Rep. Albert Garcia (Bataan 2nd District)
Rep. Kristine Singson-Meehan (Deputy Speaker, Ilocos Sur 2nd District)
Rep. Jose Alvarez (Palawan 2nd District)
Rep. Romeo Momo Sr. (Surigao del Sur 1st District)
Rep. Rufus Rodriguez (Cagayan de Oro City 2nd District)
Rep. Jurdin Jesus Romualdo (Camiguin Lone District)
Rep. Brian Yamsuan (Parañaque City 2nd District)
Rep. Javier Lopez Benitez (Negros Occidental 3rd District)
Rep. Marcelino Libanan (House Minority Leader, 4Ps Party-list)
Rep. Allan Ty (LPGMA Party-list)
Naaprubahan ang mosyon ni Marcos sa plenaryo pinaagi sa voice vote.
Sa pihak nga bahin, gin-appoint man sang Senado ang ila kaugalingon nga mga myembro kag ini ang ginalakipan nanday Senators Sherwin Gatchalian, Mark Villar, Pia Cayetano, JV Ejercito, Loren Legarda, Francis Pangilinan, Erwin Tulfo, Camille Villar, Jinggoy Estrada, Ronald dela Rosa, Christopher Go, kag Imee Marcos.
Apang, nag-atras si Estrada.
Magapatigayon sang deliberasyon ang mga senador kag kongresista umpisa subong nga adlaw, Disyembre 11 tubtob 13.
Gin-extend man sang Senado kag Kamara ang ila sessions tubtob Disyembre 23 agud masumiter ang final version sang 2026 budget.
Suno sa Malacañang, igasumiter ang enrolled copy sang 2026 General Appropriations Bill kay Presidente Ferdinand “Bongbong” Marcos Jr. antes magpaskwa agud ma-review kag maaprubahan.
