Natapos na sang United Nations ang imbestigasyon angot sa mga alegasyon sang sekswal nga pang-abuso batok kay Karim Khan, ang prosecutor sang International Criminal Court (ICC).
Ini ang ginpahayag sang presidency sang governing body sang korte.
Suno sa nasambit nga opisina, magapadayon nga confidential ang resulta sang imbestigasyon samtang ini ang gina-review sang external panel of judicial experts.
Ginalauman nga magalab-ot sa tubtob 30 ka adlaw ang proseso sang pag-review sang panel antes pagadesisyonan ang masunod nga tikang.
Matandaan nga nagpanaug anay sa iya pwesto si Khan samtang nagapadayon ang imbestigasyon.
Hugot man nga ginpanginwala sang ICC prosecutor ang tanan nga alegasyon batok sa iya.
