Nagpahayag si Judge Modesto D. Bahul Jr. sang Baguio City Regional Trial Court Branch 2 nga ginpamatbatan nga guilty si Father Mark Batolne beyond reasonable doubt of three counts of rape bangud sa pagpanghimulos sini sa isa ka 16-anyos nga estudyante.
Ginpasakaan ini sang kaso nga reclusion perpetua nga may prison term nga 20 tubtob 40 years.
Base sa imbestigasyon, duha ka beses nga ginhimuslan sang pari ang biktima kun sa diin nag-gamit ini sang deadly weapon.
Natabo ang insidente sang Marso 2023 sa isa ka kwarto sa Diocese of Baguio compound kun sa diin nagatinir ang biktima.
Ginpanginwala man ni Batolne ang alegasyon bangud ginpahayag sini nga indi nya maobra ang alegasyon bangud sa iya busy schedule bilang finance administrator sang Diocese kag general manager sang Mountain Province Broadcasting Company.
Madumduman nga isa man ka pari nga ginkilala kay Father Jovito Galit sang Legazpi ang convicted sang multiple counts of acts of lasciviousness and sexual assault bangud man sa paghimulos sa isa ka altar boy.
