Ginakabahala subong sang mga pungsod France, Britain kag Canada ang nagalala nga humanitarian situation sa Gaza.
Nagapanawagan naman ini sa Israel nga maghimo gilayon sang tikang agud nga masolusyunan ang nagalala nga problema.
Suno sa British Foreign Office nga dapat pahanugutan sang Israel ang mga non-governmental organizations nga magtrabaho sa Gaza para sa isa ka sustained kag predictable nga paagi.
Ini agud masiguro man nga magapadayon ang UN sa ila trabaho sa Palestinian enclave.
Dugang pa diri nga dapat kuhaon sang Israel ang ginatawag sini nga ”unreasonable restrictions” sa pila sini ka imports kabahin na ang medical kag shelter equipment agud mapadasig ang pagsulod sang humanitarian aid.
