Patay ang indi magnubo sa 40 ka tawo kag nasamaran ang 115 ka iban pa matapos nagluntad ang daku nga sunog sa Le Constellation bar sa Crans-Montana sa southwest Switzerland sa New Year’s Eve.
Suno sa awtoridad, mga kabataan ang kadam-an nga napatay, kag posible nga maligaran pa sang inadlaw antes sila ma-identify.
Ang Crans-Montana amo ang isa sa pinaka-mahal nga kaladtuan sa Switzerland, ilabi na sa matahum nga vistas sini halin sa Matterhorn pakadto sa Mont Blanc.
Gina-usisa pa sang awtoridad kun ano ang ginhalinan sang sunog kag kun may yara bala sang safety standards.
Base sa inisyal nga mga pahayag sang mga testigo, naghalin ang sunog sa sparklers nga ginbutang sa champagne bottles.
Gintawag naman ini ni Swiss President Guy Parmelin nga isa sa pinakamalala nga trahedya nga natabo sa ila nga pungsod.
