Patay ang siyam ka indibidwal samtang 200 naman ang gindala sa ospital matapos ang diarrhea outbreak nga natabo sa Indore city sa India.
Ginkumpirmar sang mga otoridad nga ang rason sang nasambit nga insidente amo ang pag-inom sang kontaminado nga tubig.
Suno sa chief medical officer sang Indore nga si Madhav Hasani nakontamina ang tubig sa lugar bangud sa leak kag nakumpirmar sa ila pag-test nga may ara sang bacteria sa pipeline.
Nagpatigayon naman sang door-to-door nga pag-examine ang mga doctor sa lugar kag nagpanghatag sang chlorine tablets para makabulig sa pagtinlo sang tubig.
Nahibaluan nga ang Indore City sa India ang ginakilala nga pinakamatinlo nga syudad sa India kag nagapanguna sa national rank nga pinakatinlo sa sulod sang walo ka tuig.
