Ginkumpirma ni Department of Public Works and Highways (DPWH) Secretary Vince Dizon nga magapungko ini bilang testigo sa trial sang kaso batok kay former Ako Bicol Party-list Representative Zaldy Co sa Sandiganbayan.
Maga-umpisa ang trial sa Enero 20.
“On January 20, ako’y magtetestigo sa Sandiganbayan sa trial ni former Congressman Zaldy Co. We will give you updates doon sa aking sworn testimony sa kasong ‘yan,” suno kay Dizon.
Pahayag sang tiglikom, magasunod-sunod ang iya pag-testify sa korte samtang padayon ang proseso sang pagpanabat sa mga tawo nga dapat manabat.
“At siyempre dahil ako ang complainant sa marami sa mga kasong ito, makikita niyo akong magtetestigo sa maraming mga kaso sa mga susunod na linggo, susunod na buwang patuloy nitong proseso nating pananagot ng mga dapat managot,” pahayag sini.
Matandaan nga may arrest warrants na nga ginpaguwa batok kay Co kag sa iban pa nga mga opisyal sang DPWH kag Sunwest Corporation bangud sa anomaliya sa flood control programs.
Sang Nobyembre 18, nagpasaka ang Ombudsman sa Sandiganbayan sang kaso nga corruption and malversation of public funds batok kay Co kag sa iban pa. Naangot ini sa P289 million flood control project sa Oriental Mindoro.
Nakahingyo naman ang National Bureau of Investigation (NBI) sa International Criminal Police Organization (Interpol) nga magpaguwa sang red notice batok kay Co.
