Nasapwan nga wala na sang kabuhi kag puno sang pila tuga sang pagkalabo ang walo ka tuig nga Grade 3 pupil sa San Pablo City, Laguna.
Ang biktima amo si Gianni Rick Nodero, 8-anyos.
Suno sa amay sang biktima, ginahulat siya sang iya bata agud idul-ong niya ini apang hinali lang nga nadula ang biktima kag gindumdom sang amay nga nagdiretso ini pakadto sa ila eskwelahan.
Ginkatingala sang amay nga nabilin ang bag sang iya bata rason nga ginkulbaan sila kag ginpangita ang bata.
Indi makapati ang mga ini sang nakit-an ang biktima sa kahilamunan sa unhan sang ila balay nga nagapaligo ini sa kaugalingon nga dugo kag wala na sang kabuhi.
Base sa imbestigasyon, may mga testigo nga nakakita sa tiyo sang bata nga antes ang krimen, ginabaid sini ang iya binangon.
Nakit-an man siya nga may mga dugo ang iya bayo.
Gin-alegar nga nag-away ang biktima kag ang bata sang suspek nga posible rason kun nga ginhimo sang tiyo ang amo nga krimen sa iya hinablos.
Gin-aresto ang tiyo kag magapangatubang sang kaso nga murder.
Hugot naman sini nga ginpanginwala nga siya ang nagpatay sa iya hinablos.
