Ginakonsiderar sa karun ni United States President Donald Trump nga magpatuman sang bag-o nga taripa sa mga pungsod nga wala nagasuporta sa iya plano nga kontrolon ang Greenland.
Ini nagalakip sang United Kingdom, Denmark kag iban nga European countries.
10% nga tariff sa tanan ukon ano man nga goods nga gina-export sa US ang plano nga ipatuman umpisa sa Pebrero 1.
Pahayag ni Trump, ang taripa magatinir tubtob nga may yara na sang nalab-ot nga Deal para sa Complete kag Total purchase sang Greenland.
Sa pihak sini, madamo sang mga pungsod ang nagpamalabag sa plano ni Trump, kaupod na ang Denmark nga may kontrol sa Greenland kag iban pa nga mga pungsod sa Europa, tungod kay ini mahimo magdala sang tensyon sa North Atlantic Treaty Organization ukon NATO.
Madamo man sang mga Amerikano ang wala naghatag sang suporta sa luyag nga plano ni Trump.
May yara naman sang mga pungsod nga nagpadala sang ila mga suldado sa Greenland bilag dugang nga depensa, apisar nga wala pa sa karun sang direkta nga kinagamo nga nagakatabo.
Suno naman sa Prime Minister sang Norway nga si Jonas Gahr Støre,ang pagpamahog ni Trump ang wala sang lugar sa ila.
Nanindugan ini nga ang Greenland ang parte sang Kingdom of Denmark.
