Patay ang indi magnubo sa 31 ka tawo, lakip ang anum (6) ka mga kabataan matapos nga nagpatigayon sang airstrikes ang Israel sa Gaza.
Suno sa Palestinian Ministry of Health, madamo sa mga nasamaran ang kritikal ang kahimtang, kun sa diin halos sa mga biktima ang sibilyan kag may pila nga na-trap sa idalom sang mga naguba nga balay, kag istasyon sang pulis.
Madumduman nga ginsuguran ang ceasefire sa tunga sang duha ka pungsod sang Oktubre, apang nagapadayon gihapon ang mga pag-atake kag tensyon, ilabi na sa bahin sang Gaza.
Pahayag naman sang Israel Defense Forces nga ang mga pag-atake ang nagtutok sa Hamas kag Islamic Jihad bilang sabat sa paglapas sa kasugtanan.
Sa karun, madamo sang pamilya ang apektado, lakip na ang mga kabataan kag mga katigulangan, nga nagadala sang kahadlok kag tuman nga kabalaka sa komunidad.
 ka mga kabataan matapos nga nagpatigayon sang airstrikes ang Israel sa Gaza.){kind=link}