May nabilin pa nga mga target ang City Drug Enforcement Unit (CDEU) sa Barangay Bakhaw, Mandurriao, Iloilo City magluwas sa 35-anyos nga babaye nga nadakpan subong nga semana kag nakuhaan sang malapit P2-million nga balor sang iligal nga droga.
Sa interview sang Bombo Radyo kay Police Captain Roque Gimeno III, Officer-in-Charge sang CDEU, iya ginpahayag nga tatlo ang ila gina-puntariya nga madakop, apang sang gin-conduct ang operasyon, si alias Ala lamang ang naaresto.
Nagdangat sa 280 gramos sang ginapasuni shabu ang nakuha kay alias Ala, kag natigayon na ini nga mapasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
Malapit lima ka bulan ang ila nga monitoring sa amo nga high-value individual bangud madanlog ini sa awtoridad.
Gin-identify ni Gimeno ang isa ka source ni alias Ala nga si alias Mike.
Pahayag ni Roque, bisan sang tion nga na-assign pa lang siya bilang OIC sa Iloilo City Police Station 1, nabatian na sini ang pangalan ni alias Ala nga amo ang source sang iligal nga droga sang mga nadakpan sa drug buy bust sa Zamora kag Veterans Village sa Iloilo City Proper.
 sa Barangay Bakhaw, Mandurriao, Iloilo City.){kind=link}