Nagnubo sang 8.5% ang baligya sang mga salakyan sa Pilipinas sa bulan sang Pebrero kun ipaanggid sang nagligad nga tuig.
Base sa datos sang Chamber of Automotive Manufacturers of the Philippines, Inc. kag Truck Manufacturers Association, naglab-ot sa 35,842 units ang nabaligya, mas manubo sa 39,164 units sang nagligad nga tuig.
Ginpahayag nga isa sa mga rason amo ang pagsaka sang presyo sang gatong bangud sang tensyon sa Middle East.
Sa pihak nga bahin, nagtaas naman ang baligya sang electric vehicles (EVs) sa 3,098 units sang Pebrero.
Suno sa industriya, padayon sila nga nagatanyag sang mas makinot sa gatong kag electric nga mga salakyan bilang alternatibo sa mga pumuluyo.
